काठमाडौंः माध्यमिक शिक्षा परीक्षा (एसईई) आगामी जेठ १३ गतेदेखि सन्चालन हुने भएको छ। राष्ट्रिय परीक्षा बोर्डले २०७७ सालको एसइइ जेठ १३ गतेदेखि २४ गतेसम्म परीक्षा सन्चालन गर्ने निर्णय गरेको हाे।

गत वर्ष कोभिड–१९ को महामारीका कारण एसइइकाे नतिजा विद्यालयहरूले गरेको आन्तरिक मूल्यांकनको आधारमा ग्रेड निर्धारण गरी प्रकाशित गरिएको थियो। तर आगामी एसईई राष्ट्रिय परीक्षा बोर्डले नै लिने छ।

राष्ट्रिय परीक्षा बोर्डले आज परीक्षा मिति तय गरे पनि परीक्षा तालिका (रुटिन) भने भाेली बुधबार गाेरखापत्रमा प्रकाशन गरिने बताइएकाे छ।