काठमाण्ड, नेपाली बजारमा आज (आइतबार) सुनको मूल्य कीर्तिमान बनेको छ । सुनको मूल्य हालसम्मकै उच्च विन्दूमा पुगेको हो ।

सुन आज प्रतितोला ६०० रुपैयाँले बढेको छ । आज छापावाल सुन १ लाख ७६ हजार ८०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

शुक्रबार पनि सुनको मूल्यले नयाँ कीर्तिमान बनाएको थियो । आज त्यो तोडिएर अर्को नयाँ कीर्तिमान बनेको छ ।

शुक्रबार सुन १ हजार ४०० रुपैयाँले बढेर १ लाख ७६ हजार २०० मा कारोबार भएको थियो ।

चाँदीको मूल्य भने आज घटेको छ । तोलामा १५ रुपैयाँले घटेको हो । चाँदी आज तोलामा २ हजार २५ रुपैयाँले कारोबार भइरहेको छ ।