काठमाडौं : नेपाल बार एसोसियशनले प्रधानन्यायाधीश चोलेन्द्र शमशेर जबराविरुद्ध आन्दोलनका थप कार्यक्रम घोषणा गरेको छ । यसअघिको ’अल्टिमेटम’अनुसार जबराले पदबाट राजीनामा नदिएको भन्दै बारले शुक्रबार थप आन्दोलनका कार्यक्रम घोषणा गरेको हो । 

शुक्रबार बसेको नेपाल बार पदाधिकारी बैठकले आइतबारदेखि सर्वोच्च अदालतमा कालो पट्टी बाँधेर प्रधानन्यायाधीश जबराको राजीनामा माग्ने निर्णय गरेको छ । कात्तिक १४ गते देखि १७ गतेसम्म कालो पट्टी बाँधेर आन्दोलन गर्ने निर्णय बारले गरेको छ । 

बारले देशभरका ९० वटा इकाइहरुलाई आन्दोलनमा ऐक्यवद्धता तथा सहभागिता जनाउन समेत परिपत्र गरेको छ । बारले आन्दोलनका थप कार्यक्रमका लागि भिडियो कन्फरेन्समार्फत् देशभरकै इकाइबाट राय सुझाव लिने पनि निर्णय गरेको छ । 

बारको शुक्रबारको बैठकले प्रधानन्यायाधीश जबरासँग इजलासमा नबस्न माग गर्ने निर्णय गरेको छ । बारको बैठकले तिहार अगाडि सम्मका लागि थप आन्दोलनका कार्यक्रम सार्वजनिक बारका महासचिव लीलामणि पौडेलले बताए ।