काठमाडौं : म्याद गुज्रिएका सामानमा नयाँ मिति राखेको सूचनाको आधारमा काठमाडौंको प्रशासनले धापासीस्थित एक गोदाममा छापा मारेको छ । धापासीको गोल्डेन नेपाल सप्लायर्समा कुरकुरे लेज विष्कुट हर्लिक्सलगायत नयाँ मिति राख्दै गरेको अवस्थामा १४ लाख बराबरको सामान बरामद गरिएको काठमाडौंका सहायक प्रमुख जिल्ला अधिकारी उमाकान्त अधिकारीले बताए ।

पक्राउ पर्नेमा गोल्डेन नेपाल सप्लार्यसका प्रमुख २६ वर्षीय सबिन घिमिरे रहेका छन् । उनलाई प्रशासनले ३ लाख जरिवाना तिराएको सहायक प्रमुख जिल्ला अधिकारीले बताए । उनका अनुसार उक्त गोदाममा शिल गरिएको छ ।