काठमाडौं : वाग्मती प्रदेशकी मुख्यमन्त्री अष्टलक्ष्मी शाक्यले कात्तिक १० गते विश्वासको मत लिने भएकी छन् । बिहीबार प्रदेशसभाको बैठकमा विश्वासको मत सम्बन्धमा छलफल भएपछि कात्तिक १० गते अपराह्न बस्ने बैठकमा मतदान हुने वाग्मती प्रदेशसभाका सभामुख सानुकुमार श्रेष्ठले जानकारी दिए ।

बिहीबार दिउँसो ३ बजेका लागि बोलाइएको प्रदेशसभा बैठक ढिलो सुरु भएका कारण बिहीबारै मतदान गर्ने कार्य सम्भव नभएकाले कात्तिक १० गते पु-याइएको प्रदेशसभा सचिवालयका प्रमुख सचिव कृष्णहरि खड्काले बताए । मुख्यमन्त्री शाक्यले बैठकमा विश्वासको मत लिने कार्यका लागि संसद्मा रहेका सबै दलसँग आग्रह गरेकी छन् ।