सोलुखुम्बु : नेकपा (एमाले) निकट राष्ट्रिय युवा संघ नेपाल सोताङ ३ सोलुखुम्बुले शुभकामना आदान प्रदान कार्यक्रम सम्पन्न गरेको छ । आइतबार  बडा दसैं, शुभ दिपावली तथा छठ पर्वको अवसरमा युवा संघ वडा कमिटीले शुभकामना आदानप्रदान कार्यक्रम सम्पन्न गरेको हो ।

सो कार्यक्रममा वाईसीएल परित्याग गरी आधा दर्जनले युवा संघमा प्रवेश गरेको अनेरास्ववियु जिल्ला सम्मेलन आयोजक कमिटी सचिवालय सदस्य मिलन नाछिरिङले जानकारी दिए । युवा संघ नेपाल सोताङ ३ का वडाध्यक्ष पर्शुराम राईको अध्यक्षतामा भएको कार्यक्रममा राष्ट्रिय युवा संघ नेपाल प्रदेश सदस्य मनिष नाछिरिङ, नेकपा एमाले जिल्ला कमिटी सचिवालय सदस्य धनकुमार विश्वकर्मा, नेकपा एमाले सोताङ गाउँपालिका अध्यक्ष प्रकाश कार्कीलगायत  जिल्ला तथा स्थानीय तहका नेता तथा कार्यकर्ताको उल्लेख्य उपस्थिति रहेको थियो ।