काठमाडौं : पछिल्लो २४ घण्टामा देशभर ५९६ जना कोभिड संक्रमित थपिएका छन् । १२ हजार ४०४ वटा नमुनाको परीक्षण गर्दा ५९६ जनामा संक्रमण पुष्टि भएको हो । 

त्यस्तै पछिल्लो २४ घण्टामा १० जनाको मृत्यु पुष्टि भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार २३१ पुगेकोे छ । 

त्यस्तै आज ८७१ जना संक्रमणमुक्त भएका छन् । योसँगै नेपालमा सक्रिय संक्रमितको संख्या १५ हजार २४ पुगेको स्वास्थ्य तथा जनसंख्या मन्त्रालयले जनाएको छ ।