काठमाडौं : नेकपा प्रचण्ड माधव समूहका अध्यक्ष पुष्पकमल दाहाल प्रचण्डले सर्वोच्च अदालतले संसद विघटनविरुद्ध परेका मुद्धामा सही फैसला गर्ने बताएका छन् । मंगलबार राधानीमा आयोजित २० औं मजदुर बलिदान दिवस तथा अभिनन्दन कार्यक्रममा बोल्दैप्रचण्डले  आजभोली नै सर्वोच्चको फैसला आउने बताए ।

‘संवैधानिक निकायहरुले संविधानको मर्म र भावना अनुसार काम गर्नेछन् भन्ने विश्वास छ’ उनले अघि भने, ‘अब कुनै पनि बेला संविधान मिच्ने, संविधान र संसदलाई विघटन गर्ने अलोकतान्त्रिक र असंवैधानिक कदम सच्चिन्छ ।  संसद पुनर्स्थापना हुन्छ भन्ने पूरा विश्वास छ ।’ अध्यक्ष प्रचण्डले आवश्यकता अनुसार संविधान संसोधन पनि गर्दै जानुपर्ने बताए ।