काठमाडौं : नेकपा एकीकृत समाजवादी पार्टीका महासचिव बेदुराम भुसाल बन्ने भएका छन् । मंगलबारदेखि जारी एकीकृत समाजवादीको केन्द्रीय कमिटीको बैठकले बिहीबार भुसाललाई महासचिव चयन गर्न लागेको हो ।  

नेताहरुबीच सहमति भएसँगै भुसाललाई बिहिबार बस्ने केन्द्रीय कमिटी बैठकले महासचिव चयन गर्ने छ । ’पार्टीले मलाई सर्वसम्मत रुपमा महासचिव चयन गरेको छ, अब पार्टी बैठकले यसबारे घोषणा गर्छ’ भुसालले भने ।

बिहिबारको बैठकले स्थायी कमिटी, पोलिटब्युरो र केन्द्रीय कमिटी सदस्य पनि टुंगो लगाउने पार्टी प्रचार विभाग प्रमुख जगन्नाथ खतिवडाले जानकारी दिए ।