काठमाडौं : नेकपा एमालेका अध्यक्ष केपी शर्मा ओली केन्द्रीय कमिटी बैठक बोलाएका छन् ।  ओलीले मंगलबार बिहान ११ बजे बालुवाटारमा बैठक बोलाएका हुन् । सोमबार प्रतिनिधिसभा विघटनविरुद्ध सर्वोच्च अदालतमा परेको मुद्धामा फैसला आउने भएपछि ओलीले पर्सि केन्द्रीय कमिटी बैठक बोलाएको हुन् ।

ओलीले यसरी सर्वोच्चको फैसलाको भोलिपल्ट नै बैठक बोलाउनुलाई अर्थपूर्ण रुपमा हेरिएको छ । बैठकको एजेण्डाबारे नखुलाइए पनि सबै केन्द्रीय सदस्यहरुलाई एसएमएस पठाइएको पार्टी कार्यालय सचिव  शेरबहादुर तामाङले बताए ।