काठमाडाैंः पूर्व महालेखापरीक्षक नरकान्त अधिकारीको निधन भएकाे छ। आज बिहान १०१ वर्षकाे उमेरमा आफ्नै निवासमा  उनकाे निधन भएकाे हाे।

निजामती सेवामा लामो अनुभव हासिल गरेका अधिकारी नेपाल सरकारका अर्थ, रक्षा र कृषि सचिव पनि रहेका थिए। उनले नेपालको निजामती प्रशासन र धार्मिक विषयमा पुस्तकहरू पनि लेखेका छन्।

अधिकारीकाे जन्म वि.सं. १९७७ पुस २२ गते बुधबार भएकाे थियाे। वरिष्ठ संस्कृतिविद् सत्यमाेहन जाेशी उनी दरबार हाइ स्कुल पढ्दा उनका सहपाठी थिए।