काठमाडाैंः नेपाली कांग्रेसका सभापति शेरबहादुर देउवा निवास बूढानीलकण्ठमा विपक्षी गठबन्धनकाे बैठक चलिरहेकाे छ। गठबन्धनका शीर्ष नेताहरू प्रतिनिधि सभा विघटनविरुद्ध थप रणनीति बनाउन बैठक बसेका हुन्।
बैठक बिहान साढे ९ बजेबाट शुरु भएकाे हाे। बैठकमा कांग्रेस नेता रामचन्द्र पाैडेल, कृष्णप्रसाद सिटौला, राधेश्याम अधिकारी, माओवादी केन्द्रका अध्यक्ष पुष्पकमल दाहाल, नेता देव गुरुङ, जसपा अध्यक्ष उपेन्द्र यादव र बाबुराम भट्टराई, एमाले नेता माधव नेपाल, भीम रावललगायत उपस्थित छन्।
जारी बैठक संवैधानिक इजलासमा सुनुवाइ भइरहेकाे मुद्दा र प्रतिनिधि सभा विघटनविरुद्ध थप राजनीतिक प्रतिवाद कसरी गर्ने कुरामा केन्द्रित रहेकाे छ। आजकाे बैठकले राजनीतिक र न्यायीक लडाइँकाे सन्दर्भमा थप रणनीति अख्तियार गर्ने बताइएकाे छ।
प्रतिक्रिया