काठमाडौं : बलात्कारपछि हत्या गरिएकी बैतडी चडेपानीकी १७ बर्षीय किशोरी भागरथी भट्टको घटनाको अनुसन्धानमा खटिएका प्रहरीलाई स्थानीले फूलमालासहित सम्मान गरेका छन् ।  

अनुसन्धानमा संलग्न  सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी)  उत्तमराज सुवेदीसहित प्रदेश प्रहरी कार्यालयका प्रहरी वरिष्ठ उपरीक्षक (एसएसपी) जनकराज पाण्डे, केन्द्रीय अनुसन्धान ब्युरो (सीआईबी) का प्रहरी नायब उपरीक्षक (डीएसपी) पञ्चकुमार बाखु लगायतलाई सम्मान गरिएको हो । 

हत्या प्रकरणको सफल अनुसन्धान  गरेकोमा खुशी हुँदै  स्वतः स्फूर्तरुपमा स्थानीले सम्मान गरेका दोगडाकेदार गाउँपालिकाका अध्यक्ष चक्रबहादुर कार्कीले बताए । 

हाल घटनामा संलग्न रहेका दिनेश भट्टलाई पक्राउ गरी जिल्ला प्रहरी कार्यालय बैतडीको हिरासतमा राखिएको छ । आरोपितले बलात्कापछि हत्या गरेको स्वीकारेका छन् । उनलाई आज नै प्रहरीले सार्वजनिक गर्ने तयारी गरेको जनाएको छ ।