रौतहटः जिल्लाकाे कटहरिया नगरपालिकामा ग्यास लिक भइ आगलागी हुँदा एउटा घर जलेर नष्ट भएको छ। वडा नम्बर २ का राजकिशोर साह सोनारको घरमा खाना पकाउने क्रममा ग्यास लिक भएर आगलागी भएको ईलाका प्रहरी कार्यालय कटहरियाले जनाएको छ। 

आगलागीबाट करिब ५ लाख बराबरको क्षति भएको अनुमान गरिएकाे छ। 

आगो निभाउने क्रममा चुल्हाई साह, अमरलाल साह लगायत ४ जना सामान्य घाइते भएका छन्। घाइतेहरुको स्थानीय अस्पतालमा उपचार भैरहेको छ।