एजेन्सी । भारतको र चीनको सीमा क्षेत्रमा फेरि झडप भएको छ । दुई देशका सेनाबीच गत साता भारतको उत्तरी सिक्किमको नाकुलामा झडप भएको भारतीय सञ्चारमाध्यमले बताएका छन् । 

भारतीय सञ्चारमाध्यम इन्डिया टुडेका अनुसार झडपमा २० चिनियाँ र ४ भारतीय सैनिक घाइते भएका छन् ।

चिनियाँ सैनिक भारतीय भूमिमा आउन खोजेपछि झडपको स्थिती सृजना भएको बताइएको छ । झडप भएको स्थान हाल तनावपूर्ण भए पनि स्थिर रहेको जनाइएको छ । 

पछिल्लो केही वर्षयता भारत र चीनका सेनाबीच सीमामा बारम्बार झडप भइरहेको छ । यसअघि गत असारमा भारत–चीन सीमाको गल्वानमा भएको सैन्य झडपमा २० भारतीय सैनिकको मृत्यु भएको थियो । 

नाकु लामा झडप भएकोबारे चिनियाँ पक्षले भने कुनै जानकारी दिएको छैन ।