कैलालीः जिल्लाको टीकापुर नगरपालिकामा बम फेला परेको छ। आइतबार बाटोको किनारमा जेसिबीले नाली खन्ने क्रममा मुनुवा रोडको खाद्य गोदाम नजिकै बम फेला परेको हो।

इलाका प्रहरी कार्यालय टीकापुरले जनाए अनुसार फेला परेको वस्तु बम नै भएकाले निस्क्रिय पार्नका लागि नेपाली सेनाको गोराँगे ब्यारेकलाई खबर गरिसकिएको छ। बम सशस्त्र द्वन्द्वका बेला राखिएको हुनसक्ने आशङ्का गरिएको छ।

प्रहरीले घटनास्थललाई नियन्त्रणमा लिइसकेको छ। साेमबार बिहान सेनाको बम डिस्पोजल टोली टीकापुर आउन लागेकाे इलाका प्रहरी कार्यालय टीकापुरका प्रहरी निरीक्षक अरुण बमले जानकारी दिए।