काठमाडौं : एमाले वरिष्ठ नेता माधव नेपाल र झलनाथ खनाल समूहद्वारा आयोजित राष्ट्रिय कार्यकर्ता भेलामा पुराना कम्युनिष्ट नेताहरु पनि सहभागि भएका छन् ।  बुधबार ललितपुरस्थित हेरिटेज गार्डेनमा भइरहेको भेलामा मोदनाथ प्रश्रितदेखि राधाकृष्ण मैनालीसम्मका पाका कम्युनिस्ट नेताहरू सहभागी भएका हुन् ।

भेलामा अन्य पुराना कम्‍युनिस्ट नेताहरु मोहनचन्द्र अधिकारी, सिद्धिलाल सिंह,  कमल कोइराला पनि सहभागी छन् । उनीहरूलाई पनि मञ्‍चमै बस्ने व्यवस्था मिलाइएको छ । यस्तै आजको भेलामा देशभरका जिल्लाहरुबाट नयाँ पुराना नेता तथा कार्यकर्ताको बाक्लो उपस्थिति देखिएको छ ।