एजेन्सीः भारत र इंग्ल्याण्डबीच जारि टी ट्वेन्टी क्रिकेट श्रृङ्खलाकाे तेस्राे खेल आज हुँदै छ। पहिलाे दुई खेलमा एक एककाे जित निकाल्दै भारत र इंग्ल्याण्डले श्रृङ्खला बराबरी गरेका छन्।

अहमदावादस्थित नरेन्द्र माेदी रंगशालामा साँझ ७ः१५ मा शुरु हुने खेलमा दर्शककाे उपस्थिती भने नहुने भएकाे छ। भारतकाे गुजरात राज्यमा बढ्दाे काेराेना भाइरस संक्रमणका कारण आजसहित अन्य दुई खेलमा दर्शक उपस्थित नगराइने भारतकाे क्रिकेट बाेर्ड बिसिसिआईले जनाएकाे हाे। 

यस्तै आज हुने खेलमा भारतीय ब्याट्सम्यान राेहित शर्मा टीममा फर्किने छन्। यसअघिकाे खेलमा उनलाई आराम दिइएकाे थियाे।