एजेन्सीः विश्कै धनि व्यक्ति जेफ बेजाेसकी पूर्व श्रीमती मकेन्जी स्कटले विवाह गरेकी छिन्। उनले एक शिक्षकसँग विवाह गरेकी हुन्।
आइतबार वाल स्ट्रिट जर्नलले उनकाे विवाहकाे खबर सार्वजनिक गरेकाे हाे। सन् २०१९ मा जेफ बेजाेससँग सम्बन्ध विच्छेद गरेकी स्कटले क्षतिपूर्ति स्वरुप अमेजन कम्पनीकाे झण्डै एक चाैथाइ शेयर प्राप्त गरेकी थिइन्।
स्कट अमेजनकाे शेयर हाेल्डर भएपछि विश्वकै धनि मानिसकाे सूचीमा समेत परेकी थिइन्। यद्यपि स्कट आफ्नाे अधिकांश सम्पत्ति च्यारिटी र दानमै खर्च गर्छिन्।
गत डिसेम्बरमामात्रै विभिन्न तीन सय ८४ संघसंस्ठालाई उनले ४.२ बिलियन अमेरिकी डलर दान गरेकी थिइन्। फाेर्ब्सका अनुसार स्कटकाे सम्पत्ति ५३ बिलियन अमेरिकी डलर रहेकाे छ।
विवाहबारे स्कटका श्रीमान ड्यान जेवेटले खुलासा गरेका हुन्। उनले लेखेका छन्- 'मैले चिनेकाे सबैभन्दा दयावान र उदार व्यक्तिसँग म वैवाहिक सम्बन्धमा छु।'
स्कट हाल सियाटलमा आफ्ना ४ सन्तान र श्रीमान् ड्यानसँग बस्ने गरेकी छिन्।
प्रतिक्रिया