म्याग्दी- जिल्लाको बेनी नगरपालिका–४ फापरखेतमा जिप दुर्घटना हुँदा एक जनाको मृत्यु भएको छ। 

मालिका गाउँपालिका–३ पात्लेबाट बिरामी लिएर बेनीतर्फ आउँदै गरेको ग१ज ६७८८ नंको जिप सडकबाट म्याग्दी नदीमा खसेको थियो।

जिल्ला प्रहरी कार्यालय म्याग्दीका प्रहरी नायब उपरीक्षक श्यामकुमार राईले मालिका-३ का ६२ वर्षीय गोविन्द रोकाको बेनी अस्पतालमा उपचारका क्रममा मृत्यु भएको जानकारी दिएका छन्।

रुखबाट लडेर घाइते भएका रोकालाई उपचारका लागि पोखरा लैजाँदै गरेको जिप गए राती दुर्घटनामा परेको हो।

दुर्घटनामा चार घाइते भएका छन् । चालकबाहेक मृतक र घाइते एकै परिवारका सदस्यहरु हुन्। तातोपानी प्रहरी चौकी, तातोपानी र पखेरका स्थानीय बासिन्दाले घाइतेको उद्धार गरेका थिए।