कृषिविद् डक्टर उमेद पुन सम्मानित हुनुभएको छ। 

फ्लोरिकल्चर एशोशिएसन नेपाल 'फान'को ३२ औ साधारण सभामा कृषि विद् तथा 'फान'का पूर्व सल्लाहकार  डक्टर पुनलाई कृषि मन्त्री रामनाथ अधिकारीले दोसल्ला ओढाएर सम्मान गरेका हुन।  उनलाई फ्लोरिकल्चर एशोशिएसन नेपाल 'फान'को तर्फवाट सम्मान पत्र प्रदान गरिएको हो।
सम्मान पत्रमा डक्टर पुनले पुष्प तथा पुष्प व्यवसायको व्यवसायिक प्रर्वद्धन र विकासमा उल्लेख्य योगदान गरेको लिपिवद्ध गरिएको छ।

प्राध्यापन समेत गर्नु हुने डक्टर पुनले विभिन्न अनुसन्धान गर्नु भएको छ। उहाको अनुसन्धानमुलक लेख तथा रचनाहरु राष्ट्रिय तथा अन्तराष्ट्रिय पत्रिका तथा जर्नलहरुमा प्रकाशित छन। डक्टर पुन वागवानी समाजका पूर्व अध्यक्ष समेत हुन। डक्टर पुन विवेकशील साझा पार्टीका संस्थापक नेता हुन।