काठमाडौँ : नेपालमा थप २९५ जनामा कोरोना भाइरसको संक्रमण पुष्टि भएको छ । गत २४ घण्टामा आरटी–पीसीआर र एन्टिजेन विधिबाट आठ हजार २४३ जनाको नमूना परीक्षण गर्दा शनिबार २९५ जनामा संक्रमण पुष्टि भएको हो । 

स्वास्थ्य तथा जनसंख्या मन्त्रालयका अनुसार गत २४ घण्टामा पाँच हजार २२५ जनाको पीसीआर र तीन हजार १८ जनाको एन्टिजेन परीक्षण गरिएको थियो । पीसीआर परीक्षणबाट २६० र एन्टिजेन परीक्षणबाट ३५ जनामा संक्रमण पुष्टि भएको हो । 

२४ घण्टाको अवधिमा देशका विभिन्न ठाउँमा गरी २ जना कोरोना संक्रमितको मृत्यु भएको मन्त्रालयले जानकारी दिएको छ । हालसम्म कोरोना भाइरसको संक्रमणबाट मृत्यु हुनेको संख्या ११ हजार ४७१ पुगेको छ । 

गत २४ घण्टामा ४७८ जना कोरोना भाइरसको संक्रमणबाट मुक्त (निको) भएका मन्त्रालयले जानकारी दिएको छ । मन्त्रालयका अनुसार हाल देशभर हाल सात हजार २७८ जना सक्रिय संक्रमित रहेका छन् ।