काठमाडौँ : स्वास्थ्य तथा जनसंख्या मन्त्रालयले अस्पतालहरूलाई ननकोभिडको सेवा पुनः सुरु गर्न निर्देशन दिएको छ । मन्त्रालयले मंगलबार विज्ञप्ति जारी गर्दै कोभिड १९ का बिरामीहरूको संख्या समुदाय र अस्पतालमा न्यून भएकाले ननकोभिड सेवा फेरि सुरु गर्न निर्देशन दिएको हो ।

मन्त्रालयका सहप्रवक्ता डा. समीर कुमार अधिकारीले कोभिड १९ संक्रमितहरूको उपचार व्यवस्थापन छुट्टै इकाइ मार्फत् हुने गरी नियमित ननकोभिड उपचार व्यवस्थापन गर्न सबै अस्पतालहरूलाई आग्रह गरिएको बताए । मन्त्रालयको तथ्यांक अनुसार देशभर सक्रिय संक्रमितको संख्या ९ हजार १ सय ७४ रहेको छ ।