काठमाडौँ : लोकप्रिय गायक शिव परियारको नयाँ गीत ‘माया बिक्ने भएछ’ युट्युबको एक नम्बर ट्रेण्डिङमा परेको छ । थुप्रै हिट गीतमार्फत दर्शक–श्रोताको मन जितेका गायक परियारको गीत पहिलो रोजाइमा परेको यो पहिलो घटना भने होइन, उनका अन्य गीतहरु युट्युबका ट्रेण्डिङमा निरन्तर छाउँदै आइरहेकै छन् ।
भर्खरै मात्र उनले गाएका नयाँ गीत ‘माया बिक्ने भएछ’ पनि दर्शक श्रोताको एक नम्बर रोजाइमा परेको छ । उनको यो गीत युट्युबमा ‘संगीत’ तर्फ एक नम्बरमा पर्न सफल भएको हो ।
गणेश अधिकारीको शब्द र नबिन कार्कीको संगीत रहेको यो गीतको भिडियो १२ लाख २० हजार बढीले हेरिसकेका छन् । उत्कृष्ट गीत भन्ने भावका कमेन्ट अत्याधिक छन् भने विशेषतः गायक शिव परियारसँगै कलाकार आकाश श्रेष्ठ र पुजा शर्माको अभिनयलाई उत्कृष्ट भनेर तारिफ गरिएको छ ।
विशाल निरौलाको एरेन्ज रहेको गीतको म्युजिक भिडियोलाई निकेश खड्काले निर्देशन गरेका छन् । बुद्ध थापाले छायांकन गरेका छन् भने विकाश धमलाले सम्पादन गरेका हुन् ।
भिडियोलाई गीतका एरेञ्जर निरौलाको युट्युब च्यानलमार्फत सार्वजनिक गरिएको छ ।
भिडियो हेर्नुहोस्
प्रतिक्रिया