काठमाडौं : पछिल्लो २४ घण्टामा थप २ हजार ९ सय ५७ जना कोरोना संक्रमणमुक्त भएका छन् । सोमबार स्वास्थ्य तथा जनसंख्या मन्त्रालयले दिएको जानकारी अनुसार देशभर थप २ हजार ९ सय ५७ जना कोरोना संक्रमणमुक्त भएका हुन् । 

यससँगै नेपालमा कोरोना संक्रमणमुक्त हुनेको संख्या ७ लाख ५२ हजार १७० जना पुगेका छन् । मन्त्रालयका अनुसार निको हुने दर ९५ प्रतिशत ८ रहेको छ । 

पछिल्लो २४ घण्टामा नेपालमा १०९५ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार १३ हजार ८१७ नमूना परीक्षण गर्दा १०९५ जनामा संक्रमण पुष्टि भएको हो ।

१० हजार ७८७ जनाको पीसीआर र ३ हजार ३१ जनाको एन्टीजेन विधीबाट परीक्षण गर्दा १ हजार ९५ जनामा संक्रमण पुष्टि भएको हो । सोही अवधिमा नेपालमा ८ जना कोरोना संक्रमितको मृत्यु भएको छ । 

यससँगै नेपालमा मृत्यु हुनेको संख्या ११ हजार ४८ पुगेको मन्त्रालयले जनाएको छ । हाल देशभर सक्रिय संक्रमितको संख्या २२ हजार ३२३ रहेको छ ।