काठमाडौं: पछिल्लो २४ घण्टामा थप एक हजार ६६ जनामा कोरोना भाइरसको संक्रमण पुष्टि भएको छ । 

शनिबार स्वास्थ्य तथा जनसंख्या मन्त्रालयले दिएको जानकारीअनुसार देशका विभिन्न प्रयोगशालाहरुमा गरिएको आठ हजार ५४० जनाको पीसीआर र दुई हजार ८१८ जनाको एन्टिजेन गरी ११ हजार ३८५ जनामा गरिएको परीक्षणका क्रममा एक हजार ६६ जनामा संक्रमण पुष्टि भएको हो । 

मन्त्रालयका अनुसार हाल देशभर २५ हजार ८२ जना सक्रिय संक्रमित रहेका छन् । गएको २४ घण्टामा कोरोना संक्रमणका कारण नेपालमा १६ जनाको मृत्यु भएको मन्त्रालयले जानकारी दिएको छ ।