एजेन्सीः नेटफ्लिक्सले आफ्नाे चर्चित श्रङ्खला 'मनि हाइस्ट' काे नयाँ सिजनकाे रिलिज मिति सार्वजनिक गरेकाे छ। पाँचाैं तथा अन्तिम सिजन नेटफ्लिक्सका अनुसार दुई चरणमा रिलिज हुनेछ।

मनि हाइस्टकाे पाँचाैं सिजनकाे भाेल्युम १ आउँदाे सेप्टेम्बर ३ मा रिलिज हुनेछ भने भाेल्युम २ डिसेम्बर ३ मा रिलिज हुनेछ। श्रङ्खलाका निर्माता एलेक्स पीनाका अनुसार पाँचाैं सिजन काेराेना महामारीबीचमा लेख्न थालिएकाे थियाे। 

उनी भन्छन्- 'हामीले आउँदाे सिजनलाई राेमाञ्चक बनाउन सम्पूर्ण उपाय लगाएका छाैं। हामीले आक्रामक विधामा काम गर्ने निर्णय गरेका छाैं।'

यस्तै उनले भाेल्युम २ मा भने पात्रहरूकाे भावनात्मक पक्षलाई महत्व दिइएकाे बताएका छन्। दर्शकलाई साेझै पात्रहरूकाे बहिर्गमनसँग जाेड्न यसाे गरेकाे उनले बताएका छन्। उनले अन्तिममा पात्रहरूकाे निधन हुन सक्ने संकेत गरेका छन्।