काठमाडाैंः पूर्व स्वास्थ्य मन्त्री प्रयागराज सिंह सुवालको निधन भएकाे छ। आइतबार बेलुकी आफ्नै निवास झोछेँमा उनकाे निधन भएकाे हाे।

९३ वर्षीय सुवाल प्रजातन्त्रका लागि लडेका पुराना नेताहरूमध्येका एक थिए। उनी लामो समय नेपाली कांग्रेसमा रही राजनीतिमा सक्रिय थिए। पञ्चायत कालमा स्नातकहरूमध्येबाट सांसद चुनिएका उनी कुनै बेला काठमाडौं नगरको मेयर पनि भएका थिए।

उनी परोपकार संस्थाको अध्यक्षको भूमिकामा पनि थिए। दिवङ्गत सुवालको आज साेमबार टेकु दोभानमा अन्त्येष्टि गरिने परिवारजनले जानकारी दिएको छ।