काठमाडौंः एएफसी कप २०२१ मा आज बुधबार नेपालकाे त्रिभुवन आर्मी क्लब र श्रीलंकाकाे श्रीलंका पुलिस क्लब भीड्दै छन्। एएफसी कपको प्रिलिमिनारी राउण्डमा खेलिने यस खेल दशरथ रंगशालामा साँझ ५ः३० बाट शुरु हुनेछ।

घरेलु मैदानमा आर्मी जित निकाल्दै प्ले अफको समूह 'डी' स्थान बनाउने योजनामा रहेको छ। नेपालकाे घरेलु लिग शहीद स्मारक 'ए' डिभिजन लिगमा उपविजेता बनेपनि विजेता क्लब मछिन्द्रसँग एएफसीले प्रदान गर्ने लाईसेन्स नहुँदा आर्मीले प्रतियाेगिताकाे लागि अवसर प्राप्त गरेकाे हाे।

आर्मीका प्रशिक्षक नवीन न्यौपाने र कप्तान भरत खवासले तयारी राम्रो रहेको र खेलका लागि तयार रहेको बताएका छन् ।

बुधबारकाे खेलमा श्रीलंका पुलिसलाई हराएमा आर्मीले दोस्रो खेल अप्रिल १४ मा भारतको बेंगलुरु फुटबल क्लबसँग खेल्नेछ।