काठमाडौं- नेपाली मनोरञ्जन उद्योगकी चिनिएकी मोडेल सुष्मा कार्कीमाथि हातपात भएको छ। गएराति दरबारमार्गकोे लण्डन पबमा उनीमाथि हातपात भएको र राति नै उनले प्रहरीमा उजुरी दिएको महानगरिय प्रहरी वृत्त दरबारमार्गले बताएको छ।

अन्तर्वाताका क्रममा मोडेल कार्की र युट्युबर उत्सव रसाइलीको भनाभन भएको र सोहीबीच दुई जना अपरिचित आई अपशव्द प्रयोग गरेको र आरती खड्काले हातपात गरेको बताइएको छ। आरती खड्का नायिका स्वेता खड्काकी बहिनी हुन्। 

मोडेल कार्कीले आफूमाथि भएको हातपातको भिडियोसमेत प्रहरीकोमा बुझाएकी छिन्।